Мамлекеттик 2 авиакомпаниянын 3 учагынын бирөөсү гана иштейт

Кыргыз мамлекетинин 2 авиакомпаниясы бар, аларга таандык 3 учактын бирөөсү гана уча алат. Бул тууралуу бүгүн, 18-октябрда транспорт жана жолдор министри Жамшитбек Калилов парламент жыйынында билдирди.

“Кыргыз мамлекетинин 2 мамлекеттик авиакомпаниясы бар. Алар: "Эйр Кыргызстан", "ЭйрКейджи". Азыр "Эй Кыргызстандын" бир учагы бар, ал 6 айдан бери оңдоодо жатат, аны оңдоого каражат жок. Ал эми "ЭйрКейджиге" таандык Ту-154 борту учат, дагы бир учагы иштебейт.

Биздин авиакомпаниялардын акцияларын чет өлкөлүк компанияларга сатуу боюнча сүйлөшүүлөр аягына чыкпай жатат. Биз үлүштү 75 пайызга чейин көтөрдүк. Азырынча жыйынтык жок", - деди Калилов.

Депутат Аалы Карашев жок дегенде ички каттамдарга учактарды алып, коопсуздук маселесин камсыз кылбаса бүгүнкү күндө коркунуч бар экенин эскертти.