СУПЕРСТАН: "Эч кимге берилип ишенбе, жадакалса коюнуңда жаткан күйөөңө дагы" деп кеңеш бермекмин"

SUPER.KG порталынын "Суперстан" бөлүмүндө "Убакыт артка кайтса, өзүңөргө кайсы кеңешти берет болчусуңар?" деген тема талкууга алынган.

Автор: "Саламатсыздарбы? Эгерде убакыт артка кайтканда, өзүңөргө кайсы кеңешти берет элеңер?" деген суроосун калтырган.

Темадагы билдирүүлөрдөн:

- "Мен 5-класстан баштап өзгөрткүм келет, окуудан, дал ошол мектептен... Дал ошол жашымдан башкача жол тандамакмын..."

- "2013-жыл, 16-майга башка план коймокмун..."

- "Көзүңдү ач келесоо, баары сен ойлогондой болбойт, муну турмуш деп коёт, шашылбай чечим чыгар!" деген кеңешти бермекмин".

- "Убакыт артка кайтканда апамдын бир суроосуна 2013-жылы 4-августта, сентябрь айында башкача жооп бермекмин. Өкүнүч көп".

- "2013-жыл, 31-декабрь "бүгүн сага жолугуучу адам - жашооңдун эң эле терс каарманы!" десем керек эле..."

- "2017-жылдын 1-январында телефонду өчүрүп, эч жакка чыкпай, эч кимге жардам бербейт болчумун".

- "Сүйбө, ишенбе демекмин".

- "Убакыт артка кетсе, интернетке кирбей коймокмун".

- "Окуумду толук окумакмын. Анан турмушка чыгууга шашылмак эмесмин".

- "Эч кимге берилип ишенбе, жадакалса коюнунда жаткан күйөөңө дагы деп кеңеш бермекмин".

Талкууга кошулгуңуз келсе, бул жакка баш багыңыз.