Супер-Инфо
super.kg видео
ЭЛДИК КАБАР: Баткенде эшек баккандар менен жергиликтүү тургундардын ортосунда чыр чыкты
Баткен облусунун Лейлек районундагы Жаңы-Жер айыл өкмөтүнүн Борбордук айылында эшек багуучулар менен жергиликтүү тургундардын ортосунда чыр чыкты. Бул тууралуу бүгүн, 21-октябрда SUPER.KG порталына окурман билдирди.
"Бир айылдашыбыз эшегин талаадан 15-20 күн мурда жоготкон. Жоголгон эшеги көп эшек багылган короодон табылды, бирок аны алып чыгып кетүүгө короо ээлери каршы болгон. Мындан улам жабырлануучу айылдаштарына кайрылганда, биз барып өз көзүбүз менен көрдүк. Ал короодо 100-150дөй эшектин турганын көрдүк. Эшек бизнеси буга чейин эле болуп келген экен.
Айылда мал уурдоо боюнча үрөй учурган окуялар болуп келген, бирок биринин да бети ачылган эмес. Эшек менен бизнес кылган адам өзүн Эмил деп тааныштырып, Оштон болорун айтты. Эшек бизнесмендеринин айтуусу боюнча, эшектер багылган жай тууралуу милиция, чек ара заставасы, айыл өкмөтү, баары кабардар болгон, керектүү документтери бар", - дейт окурман.
SUPER.KG порталы экинчи тараптын пикирин угуп, чагылдырууга даяр.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
Баткенде эшек баккандар менен айыл тургундарынын ортосунда чыр чыкты
0
99 доллар 90сент деп койбопсун