Депутат: "Эмне үчүн Казакстанда күйүүчү май бизге салыштырмалуу 15 сомго арзан?"

"Казакстанда күйүүчү май бизге салыштырмалуу 15 сомго арзан". Бул тууралуу депутат Кенжебек Бокоев парламенттик комитеттин жыйынында билдирди.

Анын айтымында, Кыргыз өлкөсү Бажы союзунан пайда таппай жатат.

"Эмне үчүн күйүүчү майда мындай айырма бар? Эмне үчүн Бажы союзуна кирдик анда? Эмне үчүн элге эркин тартипте күйүүчү майды алып келүүгө болбойт? Өзүм Казакстандан литрин 22 сомдон куйдурдум. Бажы союзуна кирбей туруп эле Өзбекстан “зеленый коридор” статусун алды. Биз эмнеге мындай кадамга бара албай жатабыз?" - деди эл өкүлү.

Экономика министрлигинин маалыматына караганда, күйүүчү май Орусия менен болгон келишимдин негизинде алып келинип жатат.

Биринчи вице-премьер-министр Кубатбек Боронов Кыргыз өлкөсүндө Казакстанга салыштырмалуу бизде күйүүчү май кымбат экенин айтып, "бирок бизде башка КМШ өлкөлөрүнөн арзан" деди.