Дүйнөлүк Универсиада: Кыргызстандык балбан кыз күмүш медаль утту

Казань шаарында өтүп жаткан Дүйнөлүк Универсиаданын 3-күнүндө кыздар арасында бел боо күрөшү боюнча Нагира Сарбашева күмүш медалга ээ болду. Бул тууралуу Мамлекеттик дене тарбия жана спорт агенттиги билдирди. 76 килограммдан жогорку салмактагылар арасында кыргызстандык балбан кыз монголиялык балбан кызды жеңип алган. Эске салсак, кыргыз спортчулары буга чейин 2 алтын жана 3 коло медалга ээ болгон. Мындай жыйынтык менен жалпы командалык эсепте Кыргызстан 9-орунда келе жатат.