Ысык-Көл. 10 күндүн ичинде Каракол шаарындагы Кыдыр аке көчөсүнө суу түтүгү киргизилет

8-июлда өкмөттүн Ысык-Көл облусундагы өкүлү Эмил Каптагаев Каракол шаарындагы Кадыр аке көчөсүнүн жашоочулары менен жолугушту. Тургундар аталган көчөгө суу түтүгүн киргизүү зарылдыгын, ал үчүн жашоочулар 120 миң сом акча топтошконун айтышты. Учурда бул маселе боюнча "Сууканал" ишканасы иштеп жатканы айтылды. Облус башчы 10 күндүн ичинде суу түтүк иштерин толугу менен бүтүрүүнү тийиштүү кызматкерлерге тапшырды.