Ички иштер министри: "Жыл башынан бери 613 кылмыштуу топтун 1 жарым миңдей мүчөсү кармалды"

Бишкекте бүгүн, 24-октябрда ички иштер министри Кашкар Жунушалиев, Чүй ОИИББинин башчысы жана башка жооптуу кызматкерлердин катышуусундагы коллегиялык жыйын өтүүдө. Иш-чаранын жүрүшүндө ушул жылдын 9 айынын жыйынтыгы каралып жатат.

"9 ай аралыгында 1 538 кылмышкер кармалган. Алар 613 ар кандай кылмыштуу топтордун мүчөлөрү болгон. Алар тарабынан 1 жарым миңден ашуун кылмыш иштери жасалгандыгы аныкталып, жоопко тартылды. Алардын ичинен туруктуу, ар кандай оор кылмыштарды жасаган 69 кишиден турган 25 кылмыштуу топ 100гө чукул оор жана өзгөчө оор кылмыштарды жасагандыгы аныкталган. Анын ичинен ыкчам иликтөө жана издөө иш-чараларынын натыйжасында ар кандай кылмыштарды жасагандыгы үчүн 181 уюшкан кылмыштуу топтун мүчөлөрү кармалып, жоопко тартылган", - деди Жунушалиев.