Кыргыз тарап виза ала албай жаткан студенттер боюнча Кытай тарапка нота жөнөттү

Буга чейин кыргыз студенттери Кытайга виза ала албай жаткандыгы тууралуу маалымат тараган. Бүгүн, 24-октябрда Тышкы иштер министрлигинин консулдук кызмат департаментинин паспорт-виза бөлүмү бул маселе боюнча Кытай тарапка нота жөнөткөнүн ырастады.

Маалыматка ылайык, виза ала албай жаткандар Кытайга окууга өз алдынча тапшыргандар.

"Кыргыз өлкөсүнүн Билим берүү министрлиги тарабынан окууга жиберилген студенттер эч кандай маселесиз виза ала алышат. Анткени министрлик студенттердин тизмесин бизге беришет. Ал эми биз элчилик менен сүйлөшкөндөн кийин алар виза алып окууга жөнөп кетет. Буга чейин миңге жакын студент ушинтип кеткен. Ал эми окууга өз алдынча тапшырган студенттер электрондук кезек менен виза алышы керек. Бирок көпчүлүк студенттердин окуусу жакынкы арада башталат экен. Маселени чечүү максатында Кытай тарапка нота жөнөттүк", - деп билдиришти бөлүмдөн.