ЖЫЛНААМА, 24-ОКТЯБРЬ: Жогорку Кеңештин депутаты Акылбек Жамангулов 30 жашка чыкты

Жогорку Кеңештин депутаты Акылбек Жамангулов 1988-жылдын 24-октябрында Чүй облусунун Кемин шаарында туулган.

Үч жогорку билими бар.

2011-жылы "Каржы жана насыя" адистиги боюнча Кыргыз-Орус Славян университетин бүтүргөн.

2014-жылы Кыргыз Республикасынын Тышкы иштер министрлигинин К.Дикамбаев атындагы Дипломатиялык академиясында "Эл аралык мамилелер" деген адистигин алган.

2014-жылы "Юриспруденция" адистиги боюнча Кыргыз Республикасынын Өкмөтүнө караштуу Кыргыз мамлекеттик юридикалык академиясын бүтүргөн.

Эмгек ишмердүүлүгүн 2003-жылы Балыкчы шаарындагы “Көк-Ойрок” Балыкчы ликер-арак заводунда адис болуп иштөөдөн баштаган;

2005-2006-жылдары “Альфа Ширсфилд Аудит” компаниясынын Кардарларды тартуу бөлүмүндө адис болуп иштеген;

2006-жылдан 2007-жылга чейин – "Альфа Маркетинг" компаниясынын коомчулук менен байланыш бөлүмүндө PR-менеджер;

2007-2008-жылдары – “Арвин” компаниясынын Сатуу жана жеткирүү бөлүмдөрүндө менеджер;

2008-жылы – “Тар-Суу” компаниясында аткаруучу директор;

2008-2011-жылдары – "Кыргыз агро-түлүк корпорациясынын” генералдык директорунун жардамчысы, сапаттарды сактоо жана контролдоо бөлүмүнүн башкы адиси, тышкы экономикалык ишкердик жана инвестициялар башкармалыгынын жетекчиси, маалымат жана анализ башкармалыгынын жетекчиси;

2011-2013-жылдары – “Манас” Эл аралык аэропорту” ишканасынын башкармалыгынын мүчөсү, президенттин жардамчысы;

2013-2014-жылдары – “Gold King Plus” ишканасынын генералдык директору;

2014-2015-жылдары Кемин цемент заводунун “ZETH Cement” компаниясынын аткаруучу директору; “Шанфэн ЗЭТ Цемент” компаниясынын жалпы суроолор боюнча генералдык директордун орун басары болгон.

2015-жылдын октябрь айында “Республика-Ата Журт” саясий партиясынын тизмеси боюнча Жогорку Кеңештин депутаты болуп шайланды.

Үй-бүлөлүү. Эки баланын атасы.