Бүгүн депутаттар мектептердин курулушу жана күз-кыш мезгилине даярдык көрүү маселелерин талкуулашат

Бүгүн, 25-октябрда Жогорку Кеңештин жалпы жыйынында эки маанилүү маселе каралат. Бул тууралуу парламенттин басма сөз кызматы билдирди.

Биринчиси, мектепке чейинки билим берүү жана жалпы билим берүү уюмдарынын имараттарын куруу маселесине арналган өкмөттүк саат өтөт. Анда тиешелүү өкмөт мүчөлөрү катышып, баяндама жасап, депутаттардын суроолоруна жооп беришмекчи.

Андан соң жыйында 2018-2019-жылдардын күз-кыш мезгилине карата экономика тармактарын жана калкты даярдоо боюнча өкмөт кандай иштерди жасап жатканы тууралуу маалымат берилет.