Ысык-Көл. Обладминистрациянын имаратына пандус курулат

Ысык-Көл облустук мамлекеттик администрациянын имараты курулган кезде ден соолугунун мүмкүнчүлүгү чектелүү жарандардын имараттын ичине кириши үчүн пандус куруу маселеси каралган эмес. Учурда пандус куруу демилгеси көтөрүлүп жатканын өкмөттүн облустагы өкүлү Эмилбек Каптагаев билдирди. Облус башчы өз сөзүндө "убагында пандус маселеси каралбай калган, эми аны куруу бир топ кыйынчылык жаратат. Ошентсе дагы көйгөйдү жакын арада чечебиз" деп кошумчалады.