Депутат: "Жылытуу мезгилинде былтыркыдай кризис болсо ким жооп берет, жоопкерчиликти ким моюнуна алат"

Жогорку Кеңештин депутаты Сайдулла Нышанов кышында былтыркыдай кризис болсо ким жооп бере турганын сурады. Бул тууралуу ал бүгүн, 25-октябрда 2018-2019-жылдардын күз-кыш мезгилине карата өкмөттүн даярдыгы тууралуу парламенттин жыйынында айтты.

"Жылытуу мезгилинде былтыркыдай болбосун, бирок былтыркыдай кризис болсо ким жооп берет, жоопкерчиликти ким моюнуна алат? Буга чейин депутаттар да колдогон деп бизге “стрелка” багытталды эле”, - деди Нышанов.

Биринчи вице-премьер-министр Кубатбек Боронов бардыгы мыйзам жолу менен болорун белгиледи.

“Мыйзам боюнча жоопкерчилик кимде болсо, ошол жооп берет. Былтыркы жылдагы маселе көбүнчө кредит боюнча чыккан эле. “Стрелканын” багытталганы ал адамдык фактор экен. Ким тийиштүү экенин тиешелүү кызматтар териштирет”, - деди Боронов.