Башка облустарга салыштырмалуу Жалал-Абад, Ош жана Баткен облустарына чет өлкөдөгү мигранттар көп акча которот

Кыргызстандын башка облустарына салыштырмалуу Жалал-Абад, Ош жана Баткен облустарына чет жерден акча көп которулары БУУнун “Миң жылдыкта өнүгүү багытындагы стратегияны иштеп чыгуу” кызматынын отчётунда жазылган. Ошондуктан бул облустарда жакырчылыктын көрсөткүчү азаюуда. Бул документте эмгек мигранттары көбүнчө Орусиядан акча которушат. Эгерде 2008-жылы Кыргызстанга мигранттар тарабынан 1,78 миллиард доллар которулган болсо, 2012-жылы чет өлкөдөн акча которуулардын суммасы 2 миллиард долларга жеткен.