Бир жума ичинде өлкө боюнча 18 миңден ашуун жол эрежесин бузуу фактысы катталды

Жол кыймылынын коопсуздугун камсыздоо башкы башкармалыгынын кызматкерлери республика боюнча 12-октябрдан 18-октябрга чейин 18 миң 169 жол кыймылынын эрежелерин бузууну аныктаган. Бул тууралуу аталган башкармалыктын басма сөз кызматы билдирди.

Жол эрежелерин айдоочулар төмөнкүдөй жолдор аркылуу бузушкан;

343 айдоочу жол чырактын кызылы күйгөндө өткөн;

225 айдоочу мас абалда унаа башкарган;

1996 айдоочу унаа каражатын жогорку ылдамдыкта башкарган;

3135 айдоочу жол белгилери боюнча эрежелерди сактабагандыгы үчүн айып салынган;

1500 айдоочу унаасынын жарыгын жандырбай айдаган;

1478 айдоочу башка жол кыймылынын катышуучуларына тоскоолдук жараткан;

48 айдоочу унаанын алдыңкы жана каптал айнегин караңгылатып жүргөн;

3252 унаа башкарып баратып телефон менен сүйлөшкөн айдоочуга айып салынган.

Жыйынтыгында 1117 транспорт атайын унаа токтотулуучу жайга токтотулган.