Кыргыз өлкөсүнүн Тажикстан менен Түркмөнстандагы элчилери алмашат

"Кыргыз өлкөсүнүн Түркмөнстан менен Тажикстандагы элчилеринин мөөнөтү аяктаганына байланыштуу башка адамдар дайындалат". Аталган маалыматты SUPER.KG порталына Жогорку Кеңештин эл аралык иштер, коргоо жана коопсуздук боюнча комитетинин төрагасы Исхак Пирматов билдирди.

Анын айтымында, тармактык комитет 30-октябрдагы жыйынында Тажикстандагы элчинин кызмат ордуна сунушталган талапкердин маселесин карайт.

"Кыргыз мамлекетинин Түркмөнстандагы элчиси Жаныш Рустенбеков менен Тажикстандагы элчи Мирослав Ниязовдун кызмат мөөнөтү аяктады. Ошого байланыштуу эки кызматка тең кайрадан талапкерлер сунушталат. Комитет эртеңки жыйынында Ниязовдун ордуна келчү талапкердин маселесин карайт. Аны Тышкы иштер министрлиги сунуштады. Расмий документ келмейинче атын атоого болбойт", - деди Пирматов.

Рустенбеков менен Ниязов 2014-жылдан бери аталган кызматтарда иштеп келген.