Орусиядан кароосуз калган 4 ымыркай өлкөгө алып келинди

Орусиядан кароосуз калган 4 ымыркай өлкөгө алып келинди. Бул тууралуу Эмгек жана социалдык өнүктүрүү министрлиги кабарлады.

Маалым болгондой, алып келинген 6-7 айлык ымыркайлар балдар үйүнө өткөрүлүп берилди.

"Орусиянын Новосибирск облусунан жашы жете элек 4 бала Кыргыз өлкөсүнө алып келинип, балдар үйүнө тапшырылды. Аларды өз ата-энелерине өткөрүп берүү үчүн тиешелүү иштер аткарылып жатат.

Ата-энелердин балдарынан баш тартуусуна көпчүлүк учурда туруктуу жашаган жери, киреше табуу булагынын жок экени, балдардын никесиз төрөлүшү себеп болот", - деп айтылат маалыматта.

Ошондой эле министрликтин басма сөз кызматынын маалыматына ылайык, 2011-жылдан бери ата-энеси камкордук кылуудан баш тарткан 89 бала өлкөгө кайтарылса, алардын ону 2018-жылы алып келинген.