Дүйнөлүк Универсиада: Кыргызстандык спортчулар дагы 3 коло медаль утушту

Кыргызстандын желеги Дүйнөлүк Универсиада өтүп жаткан Казань шаарында желбиреди

60 килограммдык салмактагы Нуржан Рыскул уулу коло медалдын ээси болду

Дагы бир коло байгени 90 килограммдык салмактагы Дуулатбек Сапарбек уулу жеңди

100 килограммдык салмактагы Кадыр Келсинбеков да коло медалды багындырды

Дагы 3 коло медалды багындырган кыргыз спортчулары

Дүйнөлүк Универсиадада кыргызстандык спортчулар дагы 3 коло медаль утушту. 9-июль күнү бел боо күрөшүнүн классика түрүнүн өкүлдөрү килем үстүнө чыгышкан. Анда кыргыз балбандары 60 килограммдык салмактагы Нуржан Рыскул уулу, 100 килограммдык салмактагы Кадыр Келсинбеков жана 90 килограммдык салмактагы Дуулатбек Сапарбек уулу 3 коло байгени Кыргызстандын энчисине алууга жетишти. Балбандардын байгеси менен учурда Кыргызстан курама командасынын жалпы командалык эсебинде 2 алтын, 1 күмүш, 6 коло байге бар. Аталган медалдардын бардыгы бел боо күрөшүнүн балбандарына таандык.