Ноокатта унаасы менен тосмону сүзүп алган 20 жаштагы айдоочу каза болду

Ош облусунун Ноокат районунда жеңил унаа тосмону сүзүп, 20 жаштагы жаран каза болду. Бул тууралуу облустук Жол кыймылынын коопсуздугун камсыздоо бөлүмү билдирди.

Маалым болгондой, жол кырсыгы Ош-Исфана унаа жолунун, тактап айтканда, Ноокат районунун Кыргыз-Ата айыл аймагынын Ак-Булак айылында болгон.

"Аталган айылдын 20 жаштагы тургуну М.у.А. ВАЗ 2107 үлгүсүндөгү унаа менен Ош облусунун Ноокат районуна бара жатып рулду башкара албай, бетон тосмону сүзгөн. Кырсыктын кесепетинен айдоочу жана эки жүргүнчү Ош шаардык ооруканасына жеткирилген. Ал эми жолдон 20 жаштагы айдоочу бейтапканага жетпей көз жумган. Учурда Ноокат РИИБи тарабынан тиешелүү экспертизалар дайындалып, териштирүү иштери жүргүзүлүүдө", - деп билдирет аталган бөлүмдөн.