Астротөлгө: 1-ноябрь күнү төрөлгөндөр түнт келип, түгөй катары шайыр адамды тандашат

1-ноябрь күнү төрөлгөндөр өзүнө ишенген, талапчыл жана ачуусу чукул болушат. Бул күнү төрөлгөндөрдөн күнөстүү жерди талашып, алардан алдыга озуунун кажети жок. Себеби алар айтканынан кайтпаган өжөр келип, алдына киши салдырбоо үчүн бардык күчүн жумшайт. Баштаган ишин жарым жолдон таштап артка кайтуу же башка нерсени тандап кетүү алар үчүн жат көрүнүш.

Бул күнү жарыкка келгендерге сезимдерин ачыктоосуна түнттүгү жолтоо болот. Андыктан аларга жактыруу сезимин билдирүү гана эмес, катачылыгы үчүн кечирим суроо да кыйынчылык туудурат. Өздөрү түнт болгондуктан, түгөй катары шайыр жана тамашакөй адамды тандашат.