КСДП партиясынан чыгарыла турган кезектеги депутат ким? Партиянын жообу

"КСДП партиясынын тизмесинен чыгарыла турган башка дагы депутаттар барбы же жокпу бул маселе талкуулана элек". Бул тууралуу 3-ноябрда КСДПнын өкүлү Кундуз Жолдубаева SUPER.KG'ге кабарлады.

Жолдубаеванын айтымында, КСДПнын саясий кеңешинин кийинки отуруму качан болору белгисиз. Ошондой эле азырынча саясий кеңештин жыйынга чогулуусуна зарылчылык жок экенин кошумчалады.

31-октябрда Жогорку Кеңештеги КСДП фракциясынын лидери Иса Өмүркулов партиянын катарынан чыгарылганы кабарланган. Ага чейин партиянын дагы бир мүчөсү депутат Кожобек Рыспаев да партиянын катарынан чыгарылган эле.