Супер-Инфо
super.kg видео
Баткенде 22 адам жабыркап, 1 киши каза болгон жол кырсыгы. Оор абалда жаткан 2 жүргүнчүнүн абалы жакшыра баштады
17-октябрь күнү Баткен облусундагы жол кырсыгынан жабыркагандардын ичинен оор абалда жандандыруу бөлүмүндө жаткан 2 адам жалпы бөлүмгө которулду. Бул тууралуу бүгүн, 5-ноябрда SUPER.KG порталына облустук оорукананын башчысы Нурлан Салиев билдирди.
Анын айтымында, баш сөөгүнөн оор жаракат алган эки бейтап 3 жумага жакын убакыт оор абалда жандандыруу бөлүмүндө жаткан.
"Жол кырсыгынан жабыркаган 2 адамдын абалы оор болчу, 2 күн мурун алардын абалы жакшырып палатага которулду. Учурда бардык тиешелүү медициналык жардамдар көрсөтүлүүдө. Буттары сынган 7 адамдын ичинен 3 адамга операция ийгиликтүү жасалып, үйлөрүнө чыгарылды. Дагы 4 адам операцияга даярданууда", - дейт Салиев.
Эске салсак, 17-октябрь күнү кечке жуук Ош-Баткен-Исфана жолунда жол кырсыгы катталган. Анда киши жана жүк салып бараткан эки Мерседес-Бенц Спринтер карама каршы келе жатып сүзүшө кеткен. Натыйжада 22 адам ар түрдүү жаракаттарды алып, оор жаракаттан улам 1 адам каза болуп калган.
0
Границага бир жарым суткада бир коз ирмебей журокту колтуктап келдим, кайсы жерде каяка кирип, ким мн сузушот экен деп!
Айыгып кетишсин батыраак, жаткан жерлери жайлуу болсун...