Оштогу айрым райондордо Жергиликтүү өз алдынча башкаруу жана улуттар аралык мамилелер боюнча мамлекеттик агенттиктин коомдук кабылдамалары ачылды

9-10-июль күндөрү өкмөткө караштуу Жергиликтүү өз алдынча башкаруу иштери жана улуттар аралык мамилелер боюнча мамлекеттик агенттиктин директору Накен Касиев иш сапары менен Ош облусунда болду. Иш сапардын алкагында Касиев Араван, Ноокат, Кара-Суу райондорунда болуп, аталган агенттиктин коомдук кабылдамаларынын ачылыш аземине катышты. Ошондой эле Накен Касиев жергиликтүү өз алдынча башкаруу органдарынын жана бейөкмөт уюмдардын өкүлдөрү менен жолугушуп, улуттар аралык мамилелерди чыңдоо тууралуу пикир алышты.