Лейлекте айылдык кеңештин төрагасын атып кетишти, учурда ал ооруканада

Баткен облусунун Лейлек районунда айылдык кеңештин төрагасын атып кетишти. Бул тууралуу Баткен ОИИБинин басма сөз кызматы билдирди.

Маалыматка ылайык, Лейлек районундагы Жаңы-Жер айылдык кеңешинин төрагасы, 32 жаштагы Б.К.ны Арка айылындагы өзүнүн үйүнүн короосунан белгисиз адамдар атып кетишкен.

"Ок анын артына тийген, аткан адам окуя болгон жерден качып кеткен. Б.К.Тажикстан Республикасынын Согди облусунун Гафуров шаарындагы ооруканага бир туугандары аркылуу жеткирилип, алгачкы медициналык жардам көрсөтүлгөн. Азыркы тапта абалы орто. Лейлек РИИБи тарабынан атайын ыкчам топ түзүлүп, аталган жагдай боюнча иш алып барышууда. Бул факты боюнча Кылмыш-жаза кодексинин 28-97-беренеси менен кылмыш иши козголуп тергөө амалдары жүрүүдө", - деп билдирди басма сөз кызматкери.