Супер-Инфо
super.kg видео
ЖЫЛНААМА, 7-НОЯБРЬ: Бүгүн Улуу Октябрь социалисттик революциясынын күнү
1917-жылдын 24-октябрында (жаңыча 7-ноябрда) Орусия империясынын борбору Петроградда тарыхый окуя болуп өткөн. Бул күнү Большевиктер партиясынын жетекчилигинде башталган куралдуу көтөрүлүш жеңиш менен аяктап, Убактылуу өкмөт кулатылып, анын ордуна Советтердин бийлиги орнотулган. Советтердин Бүткүл орусиялык 2-съезди В.И.Ленин башында турган жумушчу-дыйкандардын биринчи өкмөтүн - Эл Комиссарлар Советин шайлаган. Съездде эң маанилүү маселелер - тынчтык жана жерге болгон жеке менчикти жоюу жөнүндөгү декреттер кабыл алынган. Орусия империясынын курамындагы улуттардын тең укуктуулугу жарыяланган.
Кыргыз өлкөсү 1917-1924-жылдары Түркстан АССРинин курамында туруп, 1924-жылы 14-октябрда РСФСРдин курамында Кара кыргыз (1925-жылдын майынан Кыргыз) автономиялуу облусу түзүлгөн. 1926-жылы февралда Кыргыз автономиялуу облусу Кыргыз АССРине, 1936-жылы 5-декабрда Кыргыз АССРи Кыргыз ССРине айланган.
СССРде Улуу Октябрь Социалисттик революциясынын күнү 1918-жылдан тарта белгилене баштаган. Эгемен Кыргыз Республикасында 7-ноябрды Улуу Октябрь социалисттик революциясынын күнү катары кайрадан белгилөө тууралуу чечим коммунисттердин сунушу менен 2001-жылы парламентте кабыл алынган.
7-ноябрдын жылнаамасы.
2
Батыштын "нанын жеген" жасалма тарыхчылар тарых чындыгын бурмалап, Союзду каралап, чындыкты озгортууго аракет кылганы менен, убак сааты келип, чындык оз ордун табат. Ушул революция Кыргыз элине, жалпы Кыргызстан элине азаттыкты алып келди. Элди жокчулуктан куткарды. Элдин кат-сабаты жоюлуп олкодо завод-фабрикалар курулду.
Баарынан да Октябрь революциясы биздин мамлекетттуулугубузду сактап калды. Эл уркундо Кытайга качып, кобу кырылып кор болуп жургон жеринен олкого кайтарып келди, жерибизди кайрып берди...