Өзгөндө баңгизат менен кармалган имам үй камагына чыгарылды

Өзгөндө баңгизат менен кармалган имам үй камагына чыгарылды. Бул тууралуу Ош ОИИБинин басма сөз кызматы билдирди.

"Матисак-Ата" мечитинде жамаат тарабынан оозеки шайланып, имам катары иштеп келген С.К.нын иши сотко жөнөтүлүү алдында турат. Ал учурда үй камагына чыгарылган. Эми алдыда анын ишин Өзгөн райондук соту карап, чечим чыгармакчы", - деди басма сөз кызматкери.

Эске салсак, 27-октябрда Өзгөн районуна караштуу Жылалды айылында 36 жаштагы жаран баңгизат менен кармалганын жана ал айылдын имамы экендиги тууралуу облустук милиция маалымат тараткан.

Кийинчерээк Ош ОИИБи Өзгөн районунда баңгизат менен кармалган адам 2009-жылдан бери "Матисак-Ата" мечитинде имамдын орун басары болсо, ушул жылдын июль айынан бери жамаат тарабынан оозеки шайланган имам болуп иштеп келгенин аныктаган.