Мурдагы премьер-министр Сапар Исаковдун декларациясы

Мамлекеттик Салык кызматы жогорку кызматта иштеген жарандардын 2017-жылга карата декларациясын жарыялады.

Мурдагы премьер-министр Сапар Исаков 2017-жылы 996 миң 671 сомдук киреше тапканы декларациясында көрсөтүлгөн. Ал эми чыгашасы жазылган эмес. Исаков 127,4 чарчы метрлик батирге жана 20,2 чарчы метрлик гаражга ээ. Исаковдун декларациясында башка мүлктөрү тууралуу маалымат берилген эмес.

Исаковдун жакын туугандары болсо 2017-жылы 140 миң 986 сомдук киреше тапкан. Алар 370,2 чарчы метрлик турак-жайга жана Лексус RX450H үлгүсүндөгү автоунаага ээ экени көрсөтүлгөн.

Сапар Исаков 2017-жылдын январь-март айларында президенттик аппараттын башчысынын биринчи орун басары, августка чейин президенттик аппараттын башчысы, августтан тарта премьер-министр болуп иштеген.