"M-1 Global" уюмунун алкагында өтүүчү беттеште кыргыз мушкери Бусурманкул Абдибаит уулунун атаандашы белгилүү болду

17-ноябрда кыргыз мушкери Бусурманкул Абдибаит уулу "М-1 Global" уюмунда кезектеги беттешин өткөрөт. Беттеш "M-1 Challenge 99" мелдешинин алкагында орун алат.

Мелдеш Орусиянын Ингушетия өлкөсүндө өтүп, анда 10 мушкердин өз ара беттеши болот. Бусурманкул Абдибаит уулу 65 килограммга чейинки салмак ченинде күч сынашып, анын атаандашы орусиялык "Fighting Eagle" клубунун өкүлү Залимбег Омаров болот.

25 жаштагы Бусурманкул Абдибаит уулу карьерасында 13 беттеш өткөрүп, 10 жолу жеңишке жетип, 2 жолу жеңилүү ызасын тарткан жана 1 жолу атаандашы менен тең чыккан.

Ал эми, анын атаандашы Залимбег Омаров 30 жашта. Ал дагы 13 беттеш өткөрүп, беттештерин 10 жеңиш, 2 жеңилүү жана 1 тең чыгуу менен аяктаган.