Сокулукта унаа сүзүп кеткен жаран ошол жерден каза болду

Сокулук районуна караштуу Романовка айылында айдоочу 40-45 жаш чамасындагы эркек кишини сүзүп кетти. Мындай маалыматты SUPER.KG'ге Жол кыймылынын коопсуздугун көзөмөлдөө башкы башкармалыгын басма сөз кызматы билдирди.

Маалыматка ылайык, жол кырсыгы кечээ, 8-ноябрда, саат 20:20лар чамасында Фрунзе көчөсүндө болгон. Чыгыш тарапты көздөй Ниссан Примера үлгүсүндөгү унаа менен бара жаткан 54 жаштагы айдоочу болжол менен 40-45 жаштардагы эркек кишини сүзүп кеткен. Алган жаракатынан улам жабырлануучу ошол жерден каза болгон.

Окуя боюнча топтолгон маалыматтын баары Сокулук райондук тергөө кызматына өткөрүлүп, тергөө амалдары жүрүүдө.