13-14-ноябрда өлкөдө абанын температурасы кескин төмөндөп, үшүк жүрүшү күтүлөт

13-14-ноябрда өлкөдө абанын температурасы кескин төмөндөп, үшүк жүрүшү күтүлөт. Бул тууралуу Кыргызгидрометтен билдиришти.

Маалыматка ылайык, 11-ноябрдан баштап республиканын аймактарында туруксуз аба ырайы орун алат. Ош, Жалал-Абад, Баткен облустарында жамгыр карга айланат, тоолуу райондодо кар жаайт. Ал эми Чүй, Талас, Ысык-Көл, Нарын облустарынын көпчүлүк аймактарында кар жаашы күтүлөт.

Мындай туруксуз аба ырайы энергетика, коммуналдык кызматтардын ишин жана жайлоолордо малды кармоону кыйындатат. Тоолуу райондордогу унаа жолдор тайгак, тоңголок болуп, кар күрткүсү күтүлөт.