Күрөш боюнча жаштар арасындагы Дүйнө чемпиондугу: Кыргыз балбаны Ринат Ильяс уулу мелдештин жарым чейрек финалына чыкты

Бүгүн, 12-ноябрда Румыниянын Бухарест шаарында грек-рим күрөшү боюнча жаштар арасындагы (U-23) Дүйнө чемпиондугу старт алды. Анда мелдештин алгачкы күнү 5 салмак ченинде беттештер өтүүдө.

Кыргыз өлкөсүнөн бул күнү 4 балбан медалдар үчүн күч сынашып жатат. 77 килограммга чейинки салмак ченинде кыргыз балбаны Ринат Ильяз уулу алгачкы беттеште Марек Никлас менен кез келип, 11:0 эсеби менен утуп алды. Бул жеңиши менен Ильяз уулу жарым чейрек финалга аттанды.

Бүгүн дагы Балбай Дордоков, Тынар Шаршенбеков жана Калидин Асыкеев өз салмак чендеринде күч сынашат.