Кыргызстан азык-түлүк коопсуздугу боюнча өзүн-өзү камсыздай албаган өлкөлөрдүн катарында

"Кыргызстан азык-түлүк коопсуздугу боюнча өзүн-өзү камсыздай албаган өлкөлөрдүн катарында турат. Ирригациянын абалын жакшыртып, өнүктүрүшүбүз керек. Калктын жетиштүү жашоосу айыл чарба азыктарынан көз каранды",- деди айыл чарба жана мелиорация министри Чыңгысбек Узакбаев 10-июлда Бишкекте өткөн өнүгүү маселелери боюнча жогорку деңгээлдеги конференция учурунда. Айтымында, ирригацияны өнүктүрүү жана айдоо жерлерин кеңейтүү үчүн бюджеттен 1,7 миллиард сом каралган. Мындан сырткары 2 миллиард 159 миң сомду донордук уюмдардан суроо пландалууда. Узакбаев Кыргызстан эң төмөнкү көрсөткүч менен алганда 10 миң даана айыл чарба техникасына муктаж экенин да кошумчалады.