Жогорку Кеңештин комитети Мамлекеттик каттоо кызматынын иши менен таанышуу үчүн көчмө жыйын өткөрө турган болду

Бүгүн, 13-ноябрда Жогорку Кеңештин комитет жыйынында "Республика-Ата Журт" фракциясынан депутат Таабалды Тиллаев Мамлекеттик каттоо кызматынын иши менен таанышуу үчүн көчмө жыйын уюштурууну сунуштады. "Мамлекеттик каттоо кызматынын иши боюнча суроолор көп болгондуктан жерине барып жыйын өткөрүүнү сунуштайм", - деди депутат.

Конституциялык мыйзамдар, мамлекеттик түзүлүш, сот-укуктук маселелер жана Жогорку Кеңештин регламенти боюнча комитетиндеги депутаттар Тиллаевдин сунушун колдоду.

Учурда жыйында "Кыргыз Республикасынын жарандарын биометрикалык каттоо жөнүндө" мыйзамына өзгөртүүлөрдү киргизүү тууралуу" мыйзам долбоору каралууда.