Акжол Махмудов жана Каныбек Жолчубеков Казакстанда өтүүчү эл аралык мелдешке катышат

Кыргыз балбандар Казакстанда өтө турган грек-рим күрөш боюнча эл аралык мелдешке катышат. Бул тууралуу SUPER.KG порталына Кыргыз Республикасынын күрөш федерациясынан маалымдашты.

Аталган мелдеш Казакстандын Алматы шаарында 17-18-ноярбрь аралыгында өтөт. Анда Кыргыз өлкөсүнөн 5 балбан катышат. Алардын арасында Индонезияда өткөн Азия оюндарында медалдарга ээ болгон Акжол Махмудов, Каныбек Жолчубеков жана Амантур Исмаилов бар.

Кыргыз курама командасынын тизмеси:

60 килограммга чейинки салмак ченинде: Каныбек Жолчубеков;

67 килограммга чейинки салмак ченинде: Амантур Исмаилов;

77 килограммга чейинки салмак ченинде: Акжол Махмудов жана Кайрат Түгөлбаев;

87 килограммга чейинки салмак ченинде: Мелис Айтбеков;