Кыргызстандык коррупционерлер жылына 700 миллион доллар уурдашат

Эксперттердин пикири боюнча, Кыргызстан коррупциянын кесепетинен жылына 700 миллион долларлык зыян тартат. Бул сумма мамбюджеттин киреше бөлүгүнүн 40 пайызын түзөт. Маалыматты 11-июлда Бишкекте уланып жаткан өнүгүү маселелери боюнча жогорку деңгээлдеги конференция учурунда экономика министри Темир Сариев айтты. 2012-жылы коррупцияга байланыштуу укук коргоо органдары 1180 кылмыш ишин козгогонун да кошумчалады министр. "Учурда өкмөт коррупцияга каршы күрөшүү боюнча жасалчу иш-чаралардын планы менен программасын иштеп чыгып бекитти. Анда мамлекеттик органдардын отчёттуулугун камсыздоо, мамлекеттик мекемелер менен жарандык коомдун ортосундагы байланыштын жаңы формасын түзүү жана башкалар камтылган",- дейт Сариев.