Жогорку Кеңеште Аскарбек Шадиевдин ордуна келген депутат Эрмамат Тагаев ант берди

Бүгүн, 14-ноябрда Жогорку Кеңештин жыйынында жаңы депутат Эрмамат Тагаев ант берди.

Жогорку Кеңештин төрагасы Дастанбек Жумабеков Тагаедин ишине ийгиликтерди каалады.

Ал мурунку депутат Аскарбек Шадиевдин ордуна келди.

Окуянын чоо-жайы:

Ушул жылдын 29-апрелинде Аскарбек Шадиевге карата “кызматынан кыянаттык менен пайдалануу” беренеси боюнча Башкы прокуратура кылмыш ишин козгогон. 1-июнда УКМК Шадиевдин 27-апрелде Кыргыз өлкөсүнөн чыгып, АКШга кетип калганын аныктаганын билдирген.

25-июнда ага карата “чек араны мыйзамсыз кесип өтүү” беренеси боюнча кылмыш иши козголгон. 2-июлда Башкы прокуратура дагы бир кылмыш ишин козгоп, ал “мыйзамсыз жол менен алынган акчалай каражаттарды же башка мүлктү легалдаштыруу” беренесинин негизинде ачылган. 20-октябрда Шадиевдин иши боюнча тергөө аяктап, Башка прокуратура ишти сотко өткөргөн. 2-ноябрда Аскарбек Шадиев Жогорку Кеңештин депутаты мандатынан ажыратылган.