Суукка байланыштуу Бишкек шаарындагы троллейбустар 22:00гө чейин каттай турган болду

Суукка байланыштуу Бишкек шаарындагы троллейбустардын каттоо мөөнөтү 22:00гө чейин узартылды. Бул тууралуу Бишкек шаардык мэриянын басма сөз кызматы кабарлады.

Эми шаар ичинде каттаган бардык багыттагы троллейбустар саат 22:00гө чейин каттайт. Буга чейин троллейбустар жана автобустар 20:30-21:00гө чейин каттап келген.

Транспорт башкармалыгынын билдиргенине таянсак, азыркы тапта шаар ичинде 90 автобус, 121 троллейбус жана 1 миң 806 маршруттук такси иштеп жатат.

Коомдук транспортко байланыштуу суроолор жана маселелер жаралса, төмөндөгү телефондорго байланышсаңыздар болот:

- 0 (555) 33 00 31 – троллейбустардын каттамы боюнча;

- 0 (312) 53 36 48 - машруттук таксилердин каттамы боюнча;

- 0 (312) 53 48 24, 53 18 17 - автобустардын иши боюнча.