Экономика министри: "Эркин соода аймагын түзүүгө багытталган келишим колдоо тапса эттин, төө буурчактын экспорту өсөт"

"Эркин соода аймагын түзүүгө багытталган келишим колдоо тапса эттин, төө буурчактын экспорту өсөт" деп кечээ, 14-ноябрда Жогорку Кеңештин жыйынында экономика министри Олег Панкратов билдирди.

Олег Панкратовдун айтымында, ЕАЭБ өлкөлөрү менен Ирандын ортосундагы келишим ишкерлердин 1 миллион долларга жана бажы тарифинен 42 миллион долларга чейин үнөмдөөгө өбөлгө түзөт. "Бул келишим ратификацияланып калса, эттин экспорту 80 пайызга, төө буурчактын экспорту 40 пайызга өсөт деген божомол бар", - деди министр.

Депутаттар мындан ары да Ирандын рыногун дыкат иликтеп чыгып, эки өлкөнүн ортосундагы кызматташтык мамилелерди, анын ичинде соода-экономикалык алакаларды арттыруу зарылдыгын белгилешти.