Кыргыз кикбоксчусу Алексей Федосеев Японияда өтүүчү эл аралык мелдешке катышат

Белгилүү кикбоксчу Алексей Федосеев Японияда өтүүчү эл аралык мелдешке катышат. Бул тууралуу SUPER.KG'ге Кыргыз Республикасынын кикбокс федерациясынан тастыктады.

Маалыматка ылайык, Алексей Федосеев Токио шаарында 18-ноябрда өтүүчү мелдеште күч сынашат. Жалпы 8 мушкер чейрек финалдык раундда беттешет. Федосеев 65 килограммга чейинки салмак ченинде алгач япониялык Сузуки Шинжи менен кездешет.

Айта кетсек, Алексей Федосеев акыркы беттешин Польшанын Варшава шаарында 2017-жылдын 9-декабрында "JSF Kickboxing Challenge-12" мелдешинде өткөргөн. Ал беларустук Мурат Азербаев менен кездешип, жеңилүү ызасын тартып калган. 2017-жылдын сентябрь айында Федосеев Түркмөнстандын Ашхабад шаарында өткөн уруш түрлөрү боюнча жабык имараттагы V Азия оюндарында финалдык беттеште утулуп калып, күмүш медалдын ээси болгон.