Табиятынан күлө албаган мырза өзүнүкүндөй оорудан жабыр тарткан аялга үйлөндү

Табиятынан күлө албаган мырза өзүнүкүнө окшош оорудан жабыр тарткан аялга үйлөндү. Бул тууралуу чет элдик маалымат булактары жазып чыкты.

Британиялык 45 жаштагы Алекс Баркер жана 38 жаштагы америкалык Эрин Смит "Мёбиуса" (бет нервдеринин жабыркашы) оорусунан жабыр тартышат. Аталган оорунун айынан түгөйлөр жүзүндөгү мимикасын өзгөртө алышпайт. Мындан сырткары ал адамдын сүйлөөсүн начарлатат жана башка да оорулар менен коштолушу мүмкүн.

Дүйнө жүзүндө аталган оорудан миңге жакын адам жабыр тартат. Баркер жана Смит атайын сайттан таанышкан. Алар 4 жолу жолуккан соң үйлөнүүнү чечишкен. Дарыгерлердин айтымында, түгөйлөрдүн балдары аталган оорудан жабыр тартышпайт, анткени оору тукум куубайт.