Киши колдуу болгон прокурордун аңчылыкка кошо чыккан адамдар менен түшкөн сүрөтү жарыяланды

Киши колдуу каза болгон прокурор Анарбай Мамажакыповдун аңчылыкка кошо чыккан адамдар менен түшкөн сүрөтү бүгүн, 19-ноябрда интернетке жарыяланды.

Андагы сүрөттө облус прокурору Анарбай Мамажакыпов солдон үчүнчү турганын көрүүгө болот. Ошондой эле алардын катарында шектүү катары камакка алынган М.Калыков да бар.

Облустук милициянын маалыматына караганда, Мамажакыповдун унаасы 17-ноябрь күнү кечинде Баткен шаарынан, жансыз денеси эртеси шаардын Кызыл-Жол кварталынын батыш тарабындагы Танги-Өтөк участкасы жактан табылган. Анын өлүмү боюнча эки кылмыш иши ачылып, шектүү катары Баткен облустук капиталдык курулуш башкармалыгынын башчысы кармалып камакка алынган.

Буга чейин маалым болгондой, Мамажанов, Калыков облустагы прокуратуранын 4 кызмат адамы менен 17-ноябрь күнү аңчылыкка чыгышканы кабарланган.