Энергетика жана өнөр жай министри: "Эгер ушундай багытта кете берсек, электр жабдыктары иштен чыгат"

Депутат Алла Измалкова бүгүн парламентте "Кыргызстандын энергетикасы кара тешикке айланды" деп билдирди. Ал энергетикадагы бөлүштүрүүчү түйүндөрдү оңдоо иштерине чоң өлчөмдөгү каражаттар бөлүнүп, ал акчалардын кайда сарпталып жатканы белгисиз экенин, коррупциялык жол менен дагы эле бирөөлөрдүн чөнтөгүнө түшүп жатканын белгиледи. Буга Энергетика жана өнөр жай министри Автандил Калмамбетов бул тармакта 20 жылдан бери оңдоого каражат жетпей келгенин айтып, "эгер ушундай багытта кете берсек, анда жабдыктардын баары иштен чыгат. Ошондуктан энергетикадагы бааларды көтөрүп, аларды оңдоо зарылдыгы келип чыгууда" деди.