Тышкы иштер министри Эрлан Абдылдаев Казакстандын тышкы иштер министринин орун басары менен жолугушту

Бүгүн, 12-июлда Кыргызстандын тышкы иштер министри Эрлан Абдылдаев Казакстандын тышкы иштер министринин орун басары Кайрат Сарыбай менен жолугушту. ТИМдин басма сөз кызматы билдиргендей, жолугушуу учурунда кыргыз-казак кызматташуусунда өз ара кызыкчылык туудурган маселелер, анын ичинде Казакстандын премьер-министри Серик Ахметовдун Кыргызстанга жасала турган расмий иш сапары, ошондой эле анын 2013-жылдын 13-июлуна пландаштырылган Чолпон-Атада өтүүчү ШКУга мүчө мамлекеттердин тышкы иштер министрлеринин кеңешинин ишине катышуусу тууралуу маселелер талкууланды. Ошондой эле эки тараптуу кызматташууну стратегиялык жана коңшулук маанайда өнүктүрүү боюнча ишмердүүлүктү улантуу сунуштары айтылды.