Апасынын кеңешине кулак түргөн АКШлык жаран лотереядан 4 миллион доллар утуп алды

АКШнын Түндүк Каролина штатынын жашоочусу Шелби Трипп апасынын айткан кеңешин угуп, лотереядан 4 миллион доллар утуп алды. Бул тууралуу чет элдик маалымат булактары жазып чыкты.

Маалыматка караганда, алгач Трипптин апасы Хеллоуин майрамынан кийин лотерея билетин сатып алып 500 доллар утуп алган. Андан соң кызына чалып ал да лотерея билетин алып көрүшү керектигин жана утушка ээ болорун айткан.

"Билетти сатып алган соң ал жөнүндө унутуп калыптырмын. Үй жумуштары менен алек болуп жүрүп кечке маал гана колума алдым. Алгач андагы сандарды көргөндө утушка ээ болгонума ишенген жокмун. Апам да билетимди карап көрүп чындап эле 4 миллион доллар утуп алганымды сүйүнчүлөдү", - деп билдирген Трипп.

Утуп алган акчасын Шелби апасынын ипотекага алган үйүнүн акысын төлөп, андан соң үйдүн ичине апасы кыялдангандай оңдоп-түзөө иштерин жүргүзүүнү пландоодо.