Өкмөт 12 миллион долларлык кредит алганы жатат. Депутаттар макул

Бүгүн, 26-ноябрда Жогорку Кеңештин бюджет жана финансы боюнча комитетинин жыйыны өтүүдө. Анда Эл аралык өнүктүрүү ассоциациясынан 24 миллион долларды бюджетке жардам катары алуу маселеси каралып жатат.

"24 миллион доллардын 12 миллиону грант түрүндө, 12 миллиону жеңилдетилген насыя түрүндө алынып жатат. Насыя 38 жылга берилип, 6 жылы жеңилдетилген мөөнөт. Үстөгү 0,75 пайыз. Келишимге 14-ноябрда кол койгонбуз. Парламент тез колдоп берсе, 2019-жылга чейин каражатты алып калышыбыз мүмкүн", - деди каржы министри Адылбек Касымалиев.

Жыйынтыгында парламенттик комитети “Кыргыз Республикасы менен Эл аралык өнүктүрүү ассоциациясынын ортосундагы Каржылоо (Экономикалык башкаруу чөйрөсүндөгү өнүктүрүү саясатын каржылоо) жөнүндө макулдашууну ратификациялоо тууралуу” мыйзам долбоорун жактырды.