Мародёрлук фактысын иликтеген комиссиянын ишинин жыйынтыгы менен парламенттик азчылык таанышууда

Жогорку Кеңеште учурда мародёрлук фактысын иликтеген депутаттык комиссиянын ишинин жыйынтыгы менен парламенттик азчылык таанышууда. Депутаттык комиссиянын төрагасы Курманбек Осмонов: "Депутаттык комиссия өз алдына коюлган негизги талаптарды аткарып, материалдардын баарын терең иликтеп чыкты. Биз муну парламент карап, бекитип бермейинче коомго чыгарбай туралы деп чечтик. Кечээ муну күн тартибине киргизүү маселесин көтөрсөк, "ата мекенчилер" ызы-чуу салышты. Алар айрымдарга чабуул жасашты. Бизде кимдир бирөөнү каралоо же актоо максат болгон эмес",- деди. Ал комиссия калыс иш жүргүзгөнүн белгиледи.