Бишкек шаардык мэриясы Жаңы жылга карата эң мыкты жасалгалоо боюнча сынак жарыялады

Борбор калаанын мэриясы Жаңы жылга карата эң мыкты жасалгаланган район, конуш жана имарат боюнча сынак жарыялады. Бул тууралуу мэриянын басма сөз кызматы билдирди.

Маалыматка караганда, сынак 1-декабрдан тарта 31-декабрга чейин уланат. Сынакка катышуу үчүн каалоочулар өзү жашаган райондун администрациясына арыз менен кайрылышы керек.

Сыйлыктар төмөнкү номинациялар боюнча ыйгарылат:

Мыкты кооздолгон район:

1-орунга - 50 миң сом;

2-орунга - 40 миң сом;

3-орунга - 30 миң сом;

Мыкты кооздолгон жаңы конуш:

Жергиликтүү аймактык башкармалыктары тарабынан 30 миң сомдон төрт сыйлык каралган;

Мыкты кооздолгон короо

Жергиликтүү аймактык башкармалык тарабынан 20 миң сомдон төрт сыйлык берилет;

Министрлик жана административдик ведомстволордун мыкты кооздолгон аймагы:

1-орунга - 50 миң сом;

2-орунга - 40 миң сом;

3-орунга - 30 миң сом;

Соода борборлорунун мыкты кооздолгон фасады:

1-орун - 100 миң сом;

2-орун - 70 миң сом;

3-орун - 50 миң сом;

Соода-сатык, кызмат көрсөтүү жана кеңселердин мыкты кооздолгон фасады:

1-орун - 70 миң сом;

2-орун - 50 миң сом;

3-орун - 30 миң сом.

Мындан сырткары, 1-2 мүнөткө созулган жеке жана жамааттык видео куттуктоо жана "Жаңы жылың менен, сүйүктүү шаарым!" темасында тартылган селфилерге да сынак жарыяланып жаткандыгын маалымат кызматынан кошумчалашты.