Орусияда кыргыз-казак мигранттарынын ортосунда жаңжал чыкты делген маалымат боюнча Казакстандын ички иштер министрлиги комментарий берди

Орусияда кыргыз-казак мигранттарынын ортосунда жаңжал чыкты делген маалымат боюнча Казакстандын Ички иштер министрлиги комментарий берди. Бул тууралуу казак басылмалары жазып чыгышты.

Маалыматка ылайык, Казак жарандары кыргыздар менен эмес, тажикстандык мигранттар менен жаңжалдашкан.

"Интернетке тараган видеодогу окуя 22-ноябрь күнү Амурск облусундагы газды кайра иштетүүчү заводдо болгон. Массалык жаңжалдын катышуучулары тажиктер менен биздин мекендештер болгон. Учурда жергиликтүү укук коргоо органдары окуянын чоо-жайын иликтеп жатышат. Бардык күнөөлүү адамдардын аты-жөнү аныкталды", - деп билдирген Казак ИИМинин расмий өкүлү.

Белгилей кетсек, Амурск облусундагы газды кайра иштетүүчү заводдун аймагында, кыргыз жана казак мигранттарынын ортосунда жаңжал чыгып, анын кесепетинен бир жаран жандандыруу бөлүмүнө түшкөнүн орус басылмалары жазган.

Орусиядагы кыргыз элчилиги SUPER.KG порталына окуя боюнча териштирүү иштери жүргүзүлүп жатканын жана толук маалымат кийинчерээк берилерин билдирген.