Супер-Инфо
super.kg видео
ЭЛДИК КАБАР: "Кызыл-Кыя шаарындагы төрөтканада ар бир келинден 200 сомдон чогултулат. Ансыз төрөтканадан чыгаруу кагазын жазып беришпейт" дейт окурман
Кызыл-Кыя шаарындагы төрөтканада төрөп жаткан аялдардан милдеттүү түрдө 200 сомдон чогултуп алышат. Ансыз төрөтканадан чыгаруу кагазын жазып беришпейт. Мындай маалыматты келинчеги көз жарып төрөтканага кайрылган окурман "ЭЛДИК КАБАРГА" билдири.
"22-ноябрда келинчегим толготуп, Кызыл-Кыя шаарындагы төрөтканага барды. 24-ноябрда жумуштарым менен бошобой калып, төрөтканадан чыгарып кетүүгө шартым болбой калды. Келинчегимди ооруканадан чыгарып жатып төрөтканадан чыккандыгын тастыктаган маалым катты 200 сом берип анан аласың деп жазып бербей коюптур. Анын жанында акчасы жок болчу. 200 сомду көтөрүп алып маалым катты алганы бардым. Эмнеге 200 сомдон чогултуп жатасыңар? Мага түшүндүрүп бергиле, жок дегенде акча төлөнгөнүн тастыктаган дүмүрчөк бергиле дедим. Алар "төрөткананын жетекчисинен милдеттүү түрдө ар бир чыгарылып жаткан келинден 200 сомдон алып, анан чыгаргыла деген тапшырма келген, өзүнчө акылдуу боло бербей, акчаңды төлө" деп мага кайра каяша айтты. Колума дүмүрчөк да берген жок", - дейт окурман.
Бул тууралуу тиешелүү министрликтин жообун кийинки кабарлардан окуй аласыздар.
Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.
Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.
Кызыл-Кыянын төрөтканасында акча бербесең "выписка" жазып бербейби?
-1
1 |