Украинада күжүрмөн аскердик абал режими киргизилди

Украинада күжүрмөн аскердик абал режими киргизилди. Аталган буйрукка президент Пётр Порошенко кол койгонун чет элдик басылмалар жазышууда.

Маалыматка караганда, мындай режим 2018-жылдын 26-ноябрынан 2019-жылдын 25-январына чейин уланат.

"Эми аталган буйрукту Украинанын парламенти (Жогорку Рада) колдошу керек. Бул маселе бүгүн каралат. Буга чейин Орусиянын атайын кызматы Украинанын аскер-деңиз күчтөрү чек араны бузуп өткөнүн жарыялаган. Маалыматка караганда, Украинанын 3 кемеси Керч кысыгын көздөй сүзүп келгенде эки өлкө аскерлеринин ортосунда кагылышуу орун алган. Натыйжада Украинанын аскерлери колго түшүрүлүп, Орусияда чек араны мыйзамсыз кесип өтүү боюнча кылмыш иши козголду", - деп жазылат маалыматта.

Учурда эки мамлекет тең эл аралык уюмдарга кайрылышууда.