"Коопсуз шаар" долбоору боюнча өкмөттүн маалыматын угуу дагы жылды

"Коопсуз шаар" долбоору боюнча өкмөттүн маалыматын угуу жылдырылды. Жогорку Кеңештин депутаттары жумуш күнү аягына чыкканына байланыштуу аталган маселени кароону эртең, 29-ноябрдагы жыйынында уланта турган болушту.

Алгач биринчи вице-премьер-министр Кубатбек Боронов баш болгон өкмөт мүчөлөрү аталган маселе боюнча парламент жыйынына келишип, 4 депутат суроо бергенден кийин маселени кароо токтотулду.

Депутат Акылбек Жапаров "жумуш күнү аяктап, жыйында аз эле эл өкүлү калды" деп маселени кароону жылдырууну сунуштады. Жыйынтыгында сунуш колдоо тапты.